Taxtakópir rayonı hákimliginde aymaqlardı abadanlastırıw hám kóklemzarlastırıw jumısların alıp barıw hám puqaralardıń qıytaq jerlerden únemli paydalanıw nátiyjeliligin arttırıw máselelerine arnalǵan májilis ótkerildi.

Májiliske Qaraqalpaqstan Respublikası Joqarǵı Keńesiniń komiteti baslıǵı M.Atamuratov, rayon hákimi J.Adilov, sektor baslıqları, rayon hákiminiń orınbasarları, máhálle jetiligi hám tiyisli taraw basshıları qatnastı.
Ótkerilgen májiliste hár bir máhállede abadanlastırıw hám kóklemzarlastırıw jumısların alıp barıw, puqaralardıń jer menen islesiw mádeniyatın arttırıw hám hár bir shańaraqta úy aldındaǵı qıytaq jerinen nátiyjeli paydalanıwına járdem beriw máseleleri sóz etildi.
Májilis dawamında máhálle jetiligi hám taraw basshılarına tiyisli tapsırmalar berilip, wazıypalar belgilep alındı.

Qaraqalpaqstan xabar agentligi