Báseki komitetine 2024-jıldıń sentyabr ayınan baslap 2025-jıldıń yanvar ayı dawamında xalıqqa suyıltırılǵan gaz jetkerip beriliwi boyınsha jámi 6500 den aslam múrájat kelip túsken.

Usı múrájatlerdiń 4700 ge shamalası komitet hám onıń aymaqlıq uyımları tárepinen qanaatlandırılıp, gaz jetkerip beriliwi támiyinlengen. Sonday-aq, 136 sına huqıqıy túsinikler berilip, 1718 múrájat boyınsha úyreniw jumısları alıp barılmaqta.
Bunnan tısqarı, 600 mıńǵa shamalas belgisiz topardaǵı tutınıwshılardıń huqıqların qorǵaw maqsetinde komitettiń aymaqlıq basqarmaları tárepinen «Hududgaztayminot» AJnıń aymaqlıq filiallarına belgilengen tártipte is qozǵatılıp, anıqlanǵan kemshiliklerdi saplastırıw boyınsha orınlanıwı májbúr bolǵan kórsetpeler berildi.

N.Rahmanova,
ÓzA