Agrar tarawda eń áhmiyetli mashqalalardan biri úzliksiz salı jetistirilip kiyatırǵan maydanlarda topıraq ónimdarlıǵın hám zúráátlilikti arttırıw bolıp esaplanadı.

Awıl xojalıǵı ministrliginiń juwapkerleri Yaponiyanıń agrar tarawda jumıs isleytuǵın bir topar isbilermenleri menen ushırastı.
Onda agrar tarawda eki tárepleme paydalı bolǵan birge islesiwdi jolǵa qoyıw, sonday-aq, sapalı awıl xojalıǵı ónimlerin jetistiriw, túrli zıyankeslerge qarsı gúresiw baǵdarlarında birge islesiw perspektivaları haqqında sóz boldı.
Ushırasıwda ministrliktiń juwapkerleri sońǵı jıllarda mámleketimiz awıl xojalıǵın rawajlandırıw, agrar tarmaqta básekige shıdamlı biznes ortalıǵın qáliplestiriw, tarawdıń investiciyalıq tartımlılıǵın arttırıw ushın ámelge asrılıp atırǵan jumıslar haqqında tolıq maǵlıwmat berip ótti.
Sonday-aq, ushırasıwda salı hám basqa sobıqlı eginler ushın paydalanılatuǵın, Yaponiyada sınaqlardan tabıslı ótken organikalıq tóginlerdi mámleketimizde islep shıǵarıwdı jolǵa qoyıw, elimiz agrar tarmaǵına Yaponiya hám Filippin tájiriybesin qollanıw imkaniyatları haqqında da túrli usınıslar ortaǵa taslandı.
Yaponiyalı isbilermenler mámleketimiz agrar tarmaǵında investorlar ushın jaratılǵan qolaylı imkaniyatlardı ayrıqsha atap ótip, mámleketimizde agrar tarawdı atap aytqanda, salı jetistiriwdi rawajlandırıwda Yaponiya hám Filippin tájiriybesiniń áhmiyetin turmıslıq mısallar arqalı ashıp berdi.
Sóylesiw sońında tárepler dáslep, Awıl xojalıǵı ministrligi janındaǵı ilimiy-izertlew institutları tárepinen yapon kompaniyasınıń organikalıq tóginlerin sınaqtan ótkerip kóriw hám sınaq nátiyjelerinen kelip shıqqan halda birge islesiwge kelisildi.

Muhayyo Toshqoroeva, ÓzA