Ózbekstan Respublikası Prezidenti Shavkat Mirziyoevtiń 23-yanvar kúni Evropa Keńesi Prezidenti Antoniu Koshta menen bolıp ótken telefon arqalı sóylesiwinde eki tárepleme hám regionallıq áhmiyetke iye máseleler kórip shıǵıldı.

Ózbekstan Prezidenti Antoniu Koshtanı Evropa Keńesiniń basshısı lawazımına saylanǵanı menen shın júrekten qutlıqlap, oǵan úlken tabıslar tiledi.
Sońǵı jılları Ózbekstan menen Evropa Awqamı arasında kóp táreplemeli birge islesiw joqarı dárejege kóterilgeni hám barlıq áhmiyetli baǵdarlarda jedel rawajlanıp atırǵanı úlken qanaatlanıwshılıq penen atap ótildi.
Hár túrli dárejedegi jedel sóylesiwler hám almasıwlar alıp barılmaqta. 2024-jılı Ózbekstannıń Evropa Awqamı mámleketleri menen tovar almasıw kólemi 6 milliard evrodan astı, Evropa kompaniyaları menen joybarlar portfeli 30 milliard evroǵa jetti.
Ótken jılı oǵada áhmiyetli mineral resurslar tarawın strategiyalıq sheriklik haqqındaǵı kelisimge qol qoydı. Transport hám sanlı óz-ara baylanıslılıq, «jasıl» ekonomika, mádeniyat hám basqa da baǵdarlarda nátiyjeli birge islesiw alıp barılmaqta.
Ózbekstan Respublikası hám Evropa Awqamı arasında Keńeytilgen sheriklik hám birge islesiw haqqındaǵı kelisimge tez arada qol qoyılıwı óz-ara qatnasıqlardıń pútin kompleksin rawajlandırıwǵa úlken túrtki bolatuǵınına isenim bildirildi.
Ózbekstan jetekshisi hám Evrokeńes basshısı xalıqaralıq kún tártibi hám regionallıq birge islesiw máseleleri boyınsha da pikir alıstı. Usı jıldıń aprel ayında Samarqand qalasında «Oraylıq Aziya – Evropa Awqamı» birinshi sammitine tayarlıq kóriw hám onı ótkeriw boyınsha birliktegi rejeler dodalandı.

ÓzA