Prezident Shavkat Mirziyoevtiń basshılıǵında ipoteka baǵdarlaması sheńberinde 2024-jılı ámelge asırılǵan jumıslar hám 2025-jıl ushın rejelerdi dodalaw boyınsha videoselektor májilisi dawam etpekte.

«Jańa Ózbekstan» massivlerin qurıw boyınsha pútkilley jańa sistema jolǵa qoyılatuǵını atap ótildi.
Endi «Jańa Ózbekstan» massivine berilgen jer boyınsha joybarlawdı 2 aydan, qurılıstı baslawdı 3 aydan arttırıwǵa jol qoyılmaydı. Bul talap buzılsa, jer qaytarıp alınıp, qayta aukcionǵa shıǵarıladı.
Joybar ekspertizasın on bes kúnnen ótkerip jibergen shólkemlerdiń licenziyası toqtatıp qoyıladı.
Qurılısta «eskrou» sisteması engizilmekte. Bul sistema developerlerge házirgiden tómenirek stavkada qarjı tartıw imkaniyatın beredi. Áhmiyetlisi, developerlerdi qarjılandırıw jay salıw menen birge baslanadı hám dawam etedi.
Puqaralar bolsa qurılıs basınan ipoteka hám subsidiya alıw sonıń menen birge jay pitpey turıp ta basqa adamǵa satıw imkaniyatına iye boladı. Usılayınsha menen jay satıp alıwshılar kepillikli qorǵaladı.

ÓzA