Qazaqstan Qıtaydan Evropaǵa ketip atırǵan 20 júk mashinasınıń Rossiya shegarasında bajıxana blokadası menen baylanıslı jaǵday sebepli RFǵa diplomatiyalıq nota jiberdi.

Qazaqstan bas ministriniń orınbasarı Serik Jumangarin deputatlardıń «Qazaqstan júk mashinaları nege Rossiya shegarası arqalı Evropaǵa ótkerilmegeni» haqqındaǵı sorawına juwap berdi.
Jumangarinniń aytıwınsha, Rossiyanıń jańa qaǵıydalarına bola, mámleket aymaǵı arqalı Evropa Awqamı, AQSh hám Ukrainaǵa ushıwshısız ushıw apparatları, áskeriy kiyimler, generatorlar, akkumulyatorlar hám basqa da ónimler eksportı sheklengen.
Jumangarinniń qosımsha etiwinshe, Rossiya bul ózgerisler haqqında Qazaqstandı xabardar etpegen. Qazaqstannıń Moskvadaǵı elshixanası mashqalanı sheshiw ushın Rossiya SIMǵa nota jibergen.
Bas ministrdiń orınbasarı Evroaziya ekonomikalıq awqamınıń qaǵıydalarına bola, bajıxana aymaǵında uslap turılǵan tovarlar deklarantqa qaytarılıwı kerek ekenligin esletti. Jáne onıń atap ótiwinshe, bul másele kelesi háptede Alma atada bolıp ótetuǵın Evroaziya ekonomikalıq awqamı húkimet basshıları keńesi májilisinde eki tárepleme hám kóp tárepleme tiykarda dodalanadı.

G.Sattorova, ÓzA