Hár tárepleme jetilistirilgen nızamlardıń qabıl etiliwi xalıqtıń abadanlıǵın arttırıw, puqaralardıń huqıq hám erkinliklerin támiyinlewge tiykar boladı. Bunda puqaralardıń jámiyetlik dodalawlar procesine qatnasıwı hám bildirgen pikirleri, usınıslarınıń da esapqa alınıwı úlken áhmiyetke iye.

Endigiden bılay nızam joybarların Nızamshılıq palatasına kirgiziwde onıń huqıqıy ekspertizadan ótkerilgen nátiyjeleri, korrupciyaǵa qarsı ekspertizası hám sol boyınsha ótkerilgen jámiyetlik dolalaw nátiyjelerin usınıw talabı belgilenbekte.
Oliy Majlis Nızamshılıq palatasınıń májilisinde nızam joybarların Nızamshılıq palatasınıń dodalawına kirgiziw hám kórip shıǵıw tártibin jetilistiriwge qaratılǵan nızam joybarı ekinshi oqılıwda kórip shıǵıldı.
Atap ótilgenindey, joqarıdaǵılar menen birge, nızamshılıq baslaması huqıqı subyektine ózi kirgizgen nızam joybarı ekinshi oqılıwda qabıl etilgenine shekem Nızamshılıq palatasına usınıs kirgiziw arqalı onı shaqırıp alıw huqıqı berilmekte.
– Sonday-aq, nızamlarǵa vedomstvolıq normativlik-huqıqıy hújjetler normaların joqarı yuridikalıq kúshke iye bolǵan nızam hújjetlerine ótkeriwdi, áhmiyetliligin joyıtqan nızamnan kelip shıǵatuǵın hújjetleri biykar etiliwin támiyinlewge qaratılǵan qosımshalar da kirgizilmekte, – dedi deputat Dildora Kamilova. – Bul nızam joybarınıń qabıl etiliwi nızamshılıq baslaması huqıqı subyektleriniń nızam dóretiwshiligi tarawındaǵı jumısınıń sapasın arttırıwǵa, puqaralar, puqaralıq jámiyeti institutları hám isbilermenlik subyektleri wákillerin jámiyetlik dolalawlarǵa keńnen tartıwǵa, nızamlardıń jámiyetlik qatnasıqlardı tártipke salıwdaǵı rolin bekkemlewge xızmet etedi.

Muhtarama KOMILOVA,
ÓzAnıń xabarshısı