Prezident Shavkat Mirziyoevtiń basshılıǵında investiciyalardı keńnen tartıw hám eksporttı arttırıw baǵdarındaǵı jumıslardıń nátiyjeliligi hám keleshektegi tiykarǵı wazıypalar boyınsha videoselektor májilisi dawam etpekte.
Rawajlanǵan kárxanalar erkin túrde sırtqı bazarlarǵa shıǵıp, tikkeley qarjı alıp keliwdi baslaǵan.
Sawda-sanaat palatasında Isbilermenlerge sırtqı qarjı bazarlarına shıǵıwǵa járdemlesiw orayı shólkemlestirildi.
Jıldıń aqırına shekem keminde 200 isbilermendi xalıqaralıq qarjı bazarınan 2 milliard dollar tartıwǵa tayarlaw áhmiyetli ekenligi atap ótildi.
Sonday-aq, bıyıl AKMK 1 milliard, NKMK 500 million, «Nawayıuran» hám «Ózmetkombinat» hár biri 300 million dollarlıq evrobond jaylastırıwı zárúr ekenligi kórsetip ótildi. «Uzbekistan Airways» hám «Uzbekistan Airports», Avtomobil jolları komiteti de xalıqaralıq reyting alıp, sırtqı bazardan jámi 700 million dollar alıp keliwi zárúr ekenligi atap ótildi.
2025-jıl ushın 2 milliard dollar grant alıw boyınsha hár bir ministrlik, tarmaq hám aymaqlardıń rejelerin qáliplestiriw tapsırıldı.
ÓzA