Abu-Dabi qalasındaǵı «Qasr ash-Shati» rezidenciyasında Shavkat Mirziyoev hám BAÁ prezidenti Shayx Muhammad Ol Nahayan tar sheńberde sóylesiw ótkerdi.
Ózbekstan jetekshisiniń BAÁǵa saparı eki tárepleme qatnasıqlar tariyxında jańa bet ashıp – olar strategiyalıq sheriklik dárejesine kóterilip atırǵanı atap ótildi.
Jetekshiler ekonomikalıq birge islesiwdiń jańa modelin, sonıń ishinde, jasalma intellekt, sanlastırıw, «jasıl» energetika, qala qurılısı hám infrastruktura, turizm, jeke biznes sıyaqlı 6 tiykarǵı baǵdardı belgilep aldı. Hár bir áhmiyetli taraw boyınsha óz aldına jumısshı topar dúziwge kelisildi.
Tárepler 2025-2027-jıllardı «Ózbekstan hám BAÁ arasındaǵı ekonomikalıq birge islesiwdiń jańa dáwiri» dep járiyalaw usınısın qollap-quwatladı.
Usı mánide, 2030-jılǵa shekem óz-ara sawda kólemin 10 esege kóbeytiw hám investiciya portfelin 50 milliard dollarǵa jetkeriwge qaratılǵan ilajlardı ámelge asırıw tiykarǵı wazıypa etip belgilendi.
ÓzA