17-yanvar kúni Birlesken Arab Ámirlikleriniń paytaxtı Abu-Dabi qalasındaǵı Space42 Arena kompleksinde MMA boyınsha UAE Warriors 57 turniri bolıp ótedi.
Áhmiyetli tárepi sonda, bul jarısta qaraqalpaqstanlı aralas jeke gúres sheberi Zulfiya Kurbashova da qatnasıp, braziliyalı Kerol Foro menen bellesiwge túsedi.
Bul Zulfiyanıń xalıqaralıq arenadaǵı besinshi bellesiwi bolıp, bunnan aldın jerlesimiz 3 bellesiwde jeńiske erisken edi. Al, 1 bellesiwde óz qarsılasınan jeńiliske ushıradı.
17-yanvar kúni ótkeriletuǵın bellesiwde qızımızǵa áwmet yar bolıwın tilep qalamız.
Adilbay Orazov,
Qaraqalpaqstan xabar agentligi sholıwshısı