Respublikamızdıń barlıq orınlarında bolǵanı sıyaqlı, Beruniy rayonında da Ózbekstan Respublikası Qurallı Kúshleri dúzilgeniniń 33 jıllıǵı hám 14-yanvar “Watan qorǵawshıları kúni” múnásibeti menen «Jańa Ózbekstan armiyası – mámlekettiń tayanıshı, xalqımızdıń maqtanıshı» súreni astında bayram ilajı bolıp ótti.

Ilajda Qaraqalpaqstan Respublikası Joqarǵı Keńesi Baslıǵınıń orınbasarı Rustam Saparbaev hám basqalar shıǵıp sóylep, aymaq xalqın bayram menen qızǵın qutlıqladı.
Onda shıǵıp sóylewshiler tárepinen sońǵı jıllarda alıp barılıp atırǵan keń kólemli reformalarımızdıń nátiyjesinde Qurallı Kúshlerimiz elimiz ǵárezsizligin, shegaralarımızǵa qol qatılmaslıǵın, xalqımızdıń tınısh hám abadan turmısın támiyinlewdiń haqıyqıy kepiline aylanǵanı maqtanısh penen atap ótildi.
Bayram keshesinde óz wazıypaların pidákerlik penen atqarıp kiyatırǵan bir qatar taraw pidayılarına Minnetdarshılıq xatları hám estelik sawǵalar, rayon hákimi I.Xidirovqa «Maynaviyat fidoiysi» kókirek belgisi tapsırıldı.
Ilaj kórkem óner sheberleriniń ana-Watan, tuwılǵan jerdi jırlawshı yoshlı qosıqları menen dawam etti.

Qaraqalpaqstan xabar agentligi