Ózbekstan Respublikası Ministrler Kabinetiniń 2023-jıl 2-fevraldaǵı arnawlı qararı tiykarında, Prezidentimizdiń tikkeley baslaması menen Qaraqalpaqstan Respublikasında keń kólemli ámeliy jumıslar ámelge asırılmaqta.

Shomanay rayonındaǵı Nawrız mákan puqaralar jıyınında jasawshı 2-topar mayıplıǵı bar Perdebay Sultanmuratovtıń turaq jayında da usı baǵdardaǵı ilajlar ámelge asırılıp, jayınıń tóbesi shiferlap berildi.
– Prezidentimizdiń baslaması menen ámelge asırılıp atırǵan bunday iygilikli isler xalqımızǵa kórsetilip atırǵan ǵamqorlıq hám itibardıń ayqın úlgisi bolıp esaplanadı,-deydi P.Sultanmuratov. – Mine, meniń jaǵdayımdı da esapqa alıp rayon basshılarınıń járdemi menen turaq jayımnıń tóbesi shifrlanbaqta.
Bul ushın Prezidentimizge shańaraq aǵzalarımnıń atınan minnetdarshılıǵımdı bildiremen. Ilayım elimiz ele de rawajlana bergey, tınıshlıq bolǵay, sebebi, tınıshlıq bolsa hámme nárse gezegi menen bola beredi eken.
Bunday ámeliy jumıslar Qaraqalpaqstan xalqınıń turmıs dárejesin arttırıw, olardıń mashqalaların sheshiwge qaratılǵanlıǵı menen áhmiyetli.

Qaraqalpaqstan xabar agentligi