Densawlıqtı saqlaw ministrliginiń baslaması menen islep shıǵılıp, Nızamshılıq palatasına kirgizilgen jańa nızam joybarında húrmetli donorlar ushın bir qatar jeńillikler názerde tutılmaqta.

Xalıqtıń arasında biyǵárez donorlıq mádeniyatın qáliplestiriw, donorlıq háreketin keń jámiyetshiliktiń qatnasıwında rawajlandırıw hám qan donorların xoshametlewge qaratılǵan nızam joybarına bola, «Ózbekstan Respublikası húrmetli donorı» kókirek belgisi menen sıylıqlanǵan shaxslarǵa beriletuǵın bir mártelik aqshalay sıylıq muǵdarın arttırıw názerde tutılmaqta.
Sonday-aq, «Ózbekstan Respublikası húrmetli donorı» kókirek belgisi menen sıylıqlanǵan shaxslar qalalıq jámiyetlik transporttan (jónelisli hám jónelissiz taksilerden tısqarı) biypul paydalanıw huqıqına iye boladı. Bunnan tısqarı, olarǵa sanatoriy-kurortlarda emleniw ushın jollamalardı gezeksiz alıw imkaniyatı jaratıladı.

Muhtarama Komilova, ÓzA