Jámiyetshilikke dodalaw ushın járiyalanǵan 2025-jılǵa mólsherlengen Mámleketlik baǵdarlama joybarınıń 45-maqseti «2030-jılǵa shekem ekonomika kólemin 2 esege arttırıw hám «dáramatı ortashadan joqarı bolǵan mámleketler» qatarına kiriw» bolıp, onda sonıń ishinde ayırım ónimlerdi islep shıǵarıw hám realizaciyalaw ushın kompensaciya tólem (jıyım)in engiziw rejelestirilmekte.

Hújjet joybarına bola, Еkonomika hám qarjı ministrligi mápdar ministrlik hám uyımlar menen birgelikte bul boyınsha tiyisli tártipte usı jıldıń sentyabr ayına shekem usınıslar tayarlaydı.
Onda, uglerod izi joqarı bolǵan sanaat ónimleri (cement, kómir, suyıltırılǵan gaz hám basqa.) ushın «Karbon jıyımı» sistemasın engiziw hám olardan kelip túsetuǵın qarjılardı aymaqlarda ekologiyalıq mashqalalardı sheshiwge baǵdarlaw máseleleri boyınsha usınıslar tayarlaw názerde tutıladı,-dep málimleme beredi xabar.uz saytı.

Qaraqalpaqstan xabar agentligi