Oliy Majlis Nızamshılıq palatasınıń Xalıqaralıq isler, qorǵanıw hám qáwipsizlik máseleleri komiteti tárepinen «Áskeriy xızmetkerlerdiń materiallıq juwapkershiligi haqqında»ǵı nızam joybarın dodalawǵa baǵıshlanǵan májilisi ótkerildi.

Ekinshi oqıwda tayarlanıp atırǵan bul nızam joybarında áskeriy xızmetkerlerdiń materiallıq juwapkershiligi haqqındaǵı nızamshılıq, tiykarǵı túsinik hám principler, áskeriy xızmetkerlerdi materiallıq juwapkershilikke tartıw tiykarları kórsetip ótilmekte.
Sonday-aq, áskeriy xızmetkerlerdiń materiallıq juwapkershiliginiń túrleri (sheklengen materiallıq juwapkershilik, tolıq materiallıq juwapkershilik), jetkerilgen zıyan muǵdarın anıqlaw, onıń ornın qaplaw sıyaqlı máseleler de belgilenbekte.
Májiliste tiyisli ministrlik hám uyımlardıń wákilleri, siyasiy partiyalardıń frakciyaları aǵzaları qatnasıp, nızam joybarı tolıq kórip shıǵıldı. Joybar hám ondaǵı normalar deputatlar tárepinen berilgen usınıs hám másláhátler tiykarında jáne de jetilistirilmekte.

M.Komilova, ÓzA