Respublikamızdıń barlıq aymaqlarında bolǵanınday Tórtkúl rayonında da jańa jıl bayramına arnalǵan saltanatlı keshe bolıp ótti.
Rayonlıq mádeniyat sarayında bolıp ótken bayram keshesine deputatlar, rayondaǵı sektor basshıları, nuranıylar, jaslar hám balalar qatnastı.
Keshede rayon hákimi R.Shamuratov hám basqalar ilaj qatnasıwshıların elimizge qádem taslap kirip kiyatırǵan jańa jıl bayramı menen qutlıqlap, balalarımızdıń erteńgi kúni elimizge belgili bilimli-ilimli azamatlar bolıp jetilisiwine tilekleslik bildirdi hám mámleketimiz basshısı tárepinen sociallıq qorǵawǵa mútáj balalarǵa jiberilgen jańa jıl sawǵaların saltanatlı túrde tapsırdı.
Bayram keshesinde balalarǵa hár qıylı ertek qaharmanları qatnasıwındaǵı teatrlastırılıǵan saxnalıq kórinisler qoyıp berilip, balalardıń shadlı hám quwanıshqa tolı bayramına aylandı.
Bunnan soń keshede rayonlıq mádeniyat bólimi xızmetkerleri hám talantlı jaslar tárepinen tayarlanǵan koncert baǵdarlaması qoyıp berildi.
Adilbay Orazov,
Qaraqalpaqstan xabar agentligi sholıwshısı.