Ózbekstan Respublikası Ministrler Kabineti «Mektepke shekemgi hám mektep bilimlendiriwi xızmetkerleriniń úzliksiz kásiplik rawajlanıw sistemasın jetilistiriw haqqında» qarar qabıl etti.
Oǵan muwapıq, Mektepke shekem hám mektep bilimlendiriwi xızmetkerlerin úzliksiz kásiplik rawajlandırıwdı shólkemlestiriw tártibi haqqındaǵı reje tastıyıqlandı.
Rejede:
úzliksiz kásiplik rawajlandırıw sisteması, onıń maqseti hám tiykarǵı wazıypaları;
úzliksiz kásiplik rawajlandırıwdıń túrleri hám olardı shólkemlestiriw tártibi;
úzliksiz kásiplik rawajlandırıwdıń sapasın bahalaw hám qadaǵalaw tártibi belgilep berilgen.
Maǵlıwmat ushın:
Ózbekstan Respublikası Prezidentiniń «Mektepke shekemgi hám mektep bilimlendiriwi shólkemleri xızmetkerlerin úzliksiz kásiplik rawajlandırıw sistemasın jetilistiriw boyınsha qosımsha ilajlar haqqında»ǵı 2024-jıl 21-iyundaǵı PQ-231-sanlı qararında:
a) mektepke shekemgi hám mektep bilimlendiriwi shólkemleriniń basshı, pedagog hám qánige kadrların qayta tayarlaw hám olardıń mamanlıǵın arttırıwdıń bir pútin sisteması engiziliwi;
b) mektepke shekemgi bilimlendiriw shólkemleri direktorların hám qánigelerin qayta tayarlaw hám olardıń mamanlıǵın arttırıw institutı Mektepke shekemgi hám mektep bilimlendiriwi ministrliginiń boysınıwına ótkeriliwi;
v) 2025-jıl 1-yanvardan baslap:
mektepke shekemgi hám mektep bilimlendiriwi shólkemleri xızmetkerlerin úzliksiz kásiplik rawajlandırıwdıń vertikal sisteması (ministrlik – mamanlıq arttırıw mákemesi – bilimlendiriw shólkemi) jolǵa qoyılıwı;
mektepke shekemgi hám mektep bilimlendiriwi shólkemleriniń xızmetkerleri ushın bes jılda bir márte jumıstan ajıralǵan halda ótkeriletuǵın mamanlıq arttırıw kursları engiziliwi belgilengen edi.
ÓzA