Ózbekstan Respublikası Prezidentiniń 2023-jıl 25-dekabrdegi «2024-2026-jılarda Ózbekstan Respublikasınıń sociallıq hám óndirislik infrastrukturasın rawajlandırıw ilajları haqqında»ǵı qararı tiykarında, bıyılǵı jılı Tórtkúl rayonında bir qatar sociallıq obyektlerdiń qurılısı ámelge asırıldı.
Atap aytqanda, usınday obyektlerdiń biri sıpatında mektepke shekemgi hám mektep bilimlendiriwi bólimine qaraslı 8-sanlı ulıwma orta bilim mektebi bolıp tabıladı.
Ulıwma smetalıq bahası 6 milliard 356 million sum bolǵan 540 orınlıq jańa mekteptiń bul imaratı qurılısshılar tárepinen alıp barılıp, jańa jıl bayramı aldında xalıq iygiligi ushın paydalanıwǵa tapsırılmaqta.
Búgin usı oqıw dárgayınıń paydalanıwǵa tapsırılıw máresimi bolıp, oǵan rayon hákimi R.Shamuratov qatnastı hám mektep jámáátin jańa oqıw imaratına iye bolǵanı menen qutlıqladı.
Ilajda aymaq jasıúlkenleri tárepinen mektep aldına tartılǵan dástúriy lenta kesilip, qatnasıwshılar oqıw dárgayında oqıwshılar ushın jaratılǵan sharayatlar menen jaqınnan tanıstı.
Maǵlıwmat ushın aytatuǵın bolsaq, búgingi kúni bul mektepte 1103 oqıwshı zaman talabına say bilim almaqta.
Adilbay Orazov,
Qaraqalpaqstan xabar agentligi sholıwshısı.