Prezidentimiz regiondaǵı eń qolaylı hám tartımlı biznes ortalıǵın saqlap qalıw ushın turaqlı salıq siyasatı dawam ettiriletuǵının atap ótti.

Atap aytqanda, turmıslıq zárúr qárejetlerdi qarjılandırıw ushın byudjet túsimleri qansha zárúr bolmasın, tiykarǵı salıqlar boyınsha stavkalar ózgermeydi.
Sonday-aq, jer yaki mámleketlik múlk QQSsız satıladı, mobil baylanıs ushın akciz salıǵı (10 procent) biykar etiledi.
Qala shegarasındaǵı awıllıq jerlerge 2 ese jer salıǵın esaplaw toqtatıladı. Baspa kárxanaları payda salıǵın tólewden 5 jılǵa azat etiledi.
Bunnan tısqarı, IT-park rezidentlerine barlıq túrdegi salıqlardı tólewden azat etiw boyınsha salıq jeńillikleri 2040-jılǵa shekem sozıladı.
Jeke menshik mektep hám baqshalar, sırt elli oqıwshılar hám qánigeler ushın berilgen barlıq salıq jeńillikleri 2030-jılǵa shekem ámel etedi.

Qaraqalpaqstan xabar agentligi