Shańaraqlıq balalar úyi tərbiyalanıwshıları, ata-anasınıń qarawısız qalǵan, ata-anaları Watanımız shegaraların qorǵawda qurban bolǵan balalar hám sociallıq qorǵawǵa mútəj bolǵan shańaraqlardıń perzentleri ushın “Prezident sawǵası” Qaraqalpaqstanǵa jetip keldi.

3 jastan 15 jasqa shekemgi balalarǵa mólsherlengen “Prezident sawǵaları” quramında Ózbekstan Respublikası Prezidentiniń balalarǵa jollaǵan Jańa jıl bayram qutlıqlawı, mazalı zatlar, kitaplar toplamı, kancelyariya buyımları, aqıllı saat, samokat, jumsaq oyınshıqlar, didaktikalıq oyınlar, velosiped hám basqa sawǵalar kirgizilgen bolıp, bayram qarsańında sawǵalar óz iyelerine jetkeriliwi belgilengen.
Sonday-aq, 12 jastan úlken tárbiyalanıwshılardıń sawǵaları quramında elektr júrgizgishli samokatlar da kirgizilgen.
Prezident sawǵaları respublikamızdıń barlıq qala hám rayonlarında 29-30-dekabr kúnleri saltanatlı túrde tapsırıladı.

Qaraqalpaqstan xabar agentligi