Ózbekstan Respublikası Shaӊaraq hám hayal-qızlar komiteti Áliysher Nawayı atındaǵı Ózbekstan Milliy kitapxanası tárepinen “Kitapqumar analar kúni” sheӊberinde “Hayal máripatı” ilajı bolıp ótti.

Ózbekstan Respublikası Bas ministriniӊ orınbasarı – Shaӊaraq hám hayal-qızlar komitetiniӊ baslıǵı Zulayxo Mahkamova, Ózbekstan qaharmanı, ádebiyattanıwshı ilimpaz Ibrohim Ǵafurov, Jazıwshılar awqamı baslıǵınıӊ orınbasarı Minhojiddin Mirzo, bir qatar ádebiyatshı ilimpazlar, belgili shayırlar xalqımızdı kitapqumar milletke aylandırıw, onda hayal-qızlardıӊ qatnasıwın kúsheytiwge úlken itibar qaratılıp atırǵanı atap ótildi.
Ilajda jámiyette jaӊa ruwxıy mákan jaratıwda hayal-qızlardıӊ belsendiligin qollap-quwatlaw, máripatlı jámiyetti qurıwda máripatlı analardıӊ rolin arttırıw, iygilikli ideyalardı úgit-násiyatlawdı kúsheytiw, perzent tárrbiyası, shaӊaraq, hayal-qızlardıӊ mánawiyatın rawajlandırıw maqsetinde Shaӊaraq hám hayal-qızlar komiteti janında ilimiy taraw, ádebiyat, kórkem óner, ruwxıylıq, mádeniyat wákilleri belsendilerinen qurılǵan Jámiyetlik keӊes shólkemlestirilgeni járiyalandı.
Bas ministr orınbasarı – Shaӊaraq hám hayal-qızlar komitetiniӊ baslıǵı Zulayho Mahkamova bul jámiyetlik keӊes sociallıq, ruwxıy-aǵartıw jaǵday talap etip atırǵan obyektiv zárúrlik ekeni hám onıӊ óz aldına bir qatar iygilikli maqset-wazıypalardı qoyǵanın atap ótti.
Globallasıw dáwirinde jawızlıqqa qarsı tek ǵana aǵartıwshılıq hám kúshli ideyalar quralında ǵana gúresip, alǵa umtılıw múmkin. Sebebi, ideologiyası, ruwxıylıǵı, milliy ideya kúdiretli bolǵan xalıq rawajlanadı.
Búgin shaӊaraq hám hayal-qızlar mánawiyatlı, jas qızlar tárbiyası, hayal-qızlardıӊ potencialı hám máripatın arttırıw, shaӊaraqlarda ruwxıy, ádep-ikramlılıq ortalıǵın jaqsılaw baǵdarında jaӊasha kózqaraslar zárúr. Mámleketimiz basshısı atap ótkenindey, hayal-qızlar hám shaӊaraq máselesi bek ǵana búgingi kúnimiz emes, al ertengi keleshegimizdi de belgilep beretuǵın sheshiwshi faktor.
Ilaj procesinde Ózbekstanda xızmet kórsetken mádeniyat xızmetkeri shayır hám jazıwshı Sharifa Salimovanıӊ “Jawızlıq saltanatı yamasa qar qoynında lalalar” kitabınıӊ prezentaciyası ótkerildi.
« Jawızlıq saltanatı yamasa qar qoynında lalalar » atlı qosıq romanında ótken ásirdiӊ 20-30-jıllarında siyasiy zulımlar qurbanı bolǵan Xayrinisa Majidxonova, Maryam Sultonmurodova, Sobira Xoldorova, Shodixon Tojieva sıyaqlı jadid hayal-qızlardıӊ táǵdiri, olardıӊ basına túsken azap-aqıbetler, jaǵdayı, basınan ótkergenleri, ruwxıy dúnyası keӊnen sáwlelengeni hám bul jábirkeshlerdiӊ muhabbat hám sadıqlıǵı, dártleri avtor tárepinen sheberlik penen sáwlelengeni atap ótildi.
Prezentaciya ilajında qatnasıwshılardıӊ itibarına sheber jazıwshı Javlon Jovlievtiӊ qálemin tiyisli “Qorqpa” romanı tiykarında súwretke alınǵan filmnen qısqa epizod kórsetildi.

Nazokat USMONOVA,
ÓzA muxbiri