Wanderlust turizm jurnalı hár jılı Reader Travel Awards ushın dúnyadaǵı eӊ súyikli mánzillerge dawıs beriw boyınsha sorawnama ótkerdi. Bıyıl 168 mıӊ turist 22 túrli kategoriyada dawıs berdi. Oqıwshılar ózleriniӊ súyikli pervpektivalı baǵdarları ushın da dawıs bergen hám Ózbekstandı eӊ perspektivalı rawajlanıp atırǵan baǵdar dep atap ótken.
Jurnalda «Ózbekstan óziniӊ tariyxıy baylıqlarınan tısqarı, Qızılqum shóliniӊ sheksiz keӊliklerinen tartıp Aral teӊizi boylarına shekemgi bolǵan ájayıp tábiyǵıy kórinislerge iye ekeni, biraq bul gózzallıqlar kóbinese múnásip itibardan shette qalatuǵını» atap ótilgen.
«Biraq, bul Ózbekstanda kóriw múmkin bolǵan barlıq nárse emes. Mámleket aymaǵında Nurata tawları jaylasqan. Sonday-aq, Ózbekstannıӊ uzaq vinoshılıq tariyxı hám YuNESKOnıӊ materiallıq emes mádeniy miyras dizimine kirgizilgen palaw menen tanısıw arqalı ózbek mádeniyatına tereӊirek súӊgiw imkaniyatları da bar», – delinbekte.
Dizimde Albaniya ekinshi, Qatar bolsa úshinshi orındı iyeledi.
Qaraqalpaqstan xabar agentligi