Ózbekstan Respublikası Prezidenti Sh.Mirziyoevtiń basshılıǵında 2023-jıl 28-avgust kúni keńeytilgen tárizde ótkerilgen videoselektor májilisinde Mektepke shekemgi hám mektep bilimlendiriwi ministrligine Singapur hám Birlesken Arab Ámirlikleri tájiriybesi tiykarında pedagog kadrlarǵa kásiplik sertifikat beriw tártibin islep shıǵıw tapsırılǵan edi.
2024-jıldan baslap Birlesken Arab Ámirlikleri tájiriybesi tiykarında aymaqlıq orayları professor-oqıtıwshılarınıń qánigeligin arttırıw sistemasın engiziw wazıypası da belgilendi.
Usı wazıypalardıń orınlanıwın támiyinlew maqsetinde Mektepke shekemgi hám mektep bilimlendiriwi ministrliginiń 2024-jıl 10-yanvardaǵı arnawlı buyrıǵı menen qánigelik arttırıw kursınıń baǵdarlaması tastıyıqlandı.
Házirgi waqıtta ministrlik tárepinen qánigelik arttırıw kursınıń 5-basqıshı (sońǵı basqısh) usı jıldıń 3-5-dekabr kúnleri shólkemlestirilmekte.
Qánigelik arttırıw kursınıń juwmaqlawshı basqıshına Qaraqalpaqstan Respublikası Pedagogikalıq sheberlik orayınıń barlıq professor-oqıtıwshıları qatnastı.
Kurs juwmaǵında “Úzliksiz kásiplik bilimlendiriw” platforması arqalı sertifikatlar beriliwi rejelestirilgen.
Á.Jiyemuratov,
Qaraqalpaqstan xabar agentligi.