Búgin Ferǵana wálayatı IIM bul haqqında rásmiy málimleme tarqattı. Onda atap ótiliwinshe, bıyılǵı jıldıӊ 17-dekabr kúni saat 13:45lerde Ferǵana qalası, Yangiywl máhállesindegi “Petrolium” propan gaz quyıw shaqapshasında 5m.kub sıyımlı konteynerge gaz quyıw procesinde jarıq kelip shıǵıp, gaz elementi sırtqa sızılıp shıǵıwı aqıbetinde jarılıw hám órt payda bolǵan.
Keshe málim etken málimlemede 1 puqara waqıya ornında qaytıs bolǵanı, usı aymaqta bolǵan bir neshe puqaralar túrli dárejede dene jaraqatın alıp, emlewxanaǵa jatqarılǵanı haqqında xabar berilgen edi. Wálayat IIM rásmiy málimlemesinde aytılıwınsha, kórsetilgen medicinalıq járdemge qaramastan olardan úshewi emlewxanada qaytıs bolǵan.
Bul jaǵday boyınsha Ferǵana wálayatı IIM tárepinen Jınayat kodeksiniӊ 257-statyası 3-bólimi «a» bánti hám 259-statyası 3-bólimi «a» bánti menen jınayat isi qozǵatılǵan.
Házirgi kúnde jınayat isi sheӊberinde 5 shaxs processual tártipte qamaqqa alınǵan hám tergew háreketleri alıp barılmaqta.
Xalıq sociallıq tarmaqlarda avtomobillerge metan hám propan quyıw shaqapshaların qala shetlerine kóshiriw normativlik hújjetler talabı qatarına kirgiziliwin soramaqta. Bul máseleni bolsa Ministrler Kabineti yaki mámleketlik parlamenti kórip shıǵıwın talap etedi.

Muhammadjon Obidov, ÓzAnıӊ xabarshısı