Búgin, 2024-jıl 18-dekabr kúni Tashkent qalasında Ózbekstan Respublikası Oliy Majlisi Senatınıӊ ekinshi jalpı májilisi óz jumısın basladı.
Onda Senat hám Húkimet aǵzaları, ministrlik hám uyımlardıӊ basshıları, ǵalaba xabar qurallarınıӊ wákilleri qatnaspaqta.
Senat Baslıǵı Tanzila Norboeva basqarıp atırǵan májilis videokonferencbaylanıs sistemasınan paydalanǵan halda ótkerilmekte. Májilis processleri Senattıӊ YouTube tarmaǵındaǵı rásmiy beti arqalı onlayn sáwlelendirilmekte.
Májiliste «2025-jıl ushın Ózbekstan Respublikasınıӊ Mámleketlik byudjeti haqqında»ǵı, «Salıq hám byudjet siyasatınıӊ 2025-jılǵa mólsherlengen tiykarǵı baǵdarları qabıl etilgeni múnásibeti menen Ózbekstan Respublikasınıӊ ayırım nızam hújjetlerine qosımsha hám ózgerisler kirgiziw haqqında»ǵı, «2024-jıl ushın Ózbekstan Respublikasınıӊ Mámleketlik byudjeti haqqında»ǵı Ózbekstan Respublikası nızamına ózgerisler kirgiziw haqqında»ǵı, «Ózbekstan Respublikasınıӊ Salıq kodeksine ózgerisler kirgiziw haqqında»ǵı nızamlar kórip shıǵıladı.
Bunnan tısqarı, «Kosmoslıq jumıs haqqında»ǵı, «Ipoteka krediti bazarı jáne de rawajlandırılıwı múnásibeti menen Ózbekstan Respublikasınıӊ ayırım nızam hújjetlerine ózgeris hám qosımshalar kirgiziw haqqında»ǵı, «Korporativ qatnasıqlardıӊ huqıqıy tiykarları jáne de jetilistiriliwi múnásibeti menen Ózbekstan Respublikasınıӊ ayırım nızam hújjetlerine ózgeris hám qosımshalar kirgiziw haqqında»ǵı, «Seysmikalıq qáwipsizlikti támiyinlew sisteması jetilistiriliwi múnásibeti menen Ózbekstan Respublikasınıӊ ayırım nızam hújjetlerine ózgerisler kirgiziw haqqında»ǵı, «Adam sawdası jınayatı ushın jaza ilajları kúsheytilip atırǵanı múnásibeti menen Ózbekstan Respublikası Jınayat kodeksiniӊ 135-statyasına ózgeris kirgiziw haqqında»ǵı, «Mámleketlik bajı haqqında»ǵı Ózbekstan Respublikası nızamına qosımshalar hám ózgeris kirgiziw haqqında»ǵı, «Ózbekstan Respublikasınıӊ ayırım nızam hújjetlerine qoısmsha hám ózgerisler kirgiziw haqqında»ǵı nızamlar dodalanadı.
Jalpı májiliste dodalanatuǵın barlıq máselelerdi tolıq sáwlelendirip baramız. Bizdi baqlap barıӊ!
N.Abduraimova, N.Haydarov (súwret), ÓzA