Milliy sertifikat imtixanı ushın ruqsatnamalar járiyalandı, dep xabar bermekte Bilimdi bahalaw agentligi málimleme xızmeti.

Oǵan bola, bıyılǵı jıldıń 21-22-dekabr (shembi-ekshembi) kúnleri ana (ózbek, qaraqalpaq, rus) tili hám ádebiyatı pánlerinen milliy sertifikat imtixanı bolıp ótedi. Test sınaǵında qatnasatuǵın talabanlar ruqsatnamanı my.gov.uz saytınıń «Meniń arzalarım» bóliminen alıwı múmkin.
Bul ruqsatnamada talabanlar qashan, qay jerde test sınaǵında qatnasatuǵını kórsetilgen bolıp, olardan belgilengen waqıttan keshikpegen halda keliwi soraladı.
Talabanlar test sınaǵı ótkeriletuǵın imaratlarǵa shaxstı tastıyıqlawshı hújjet (pasport yoki ID-karta) tiykarında 1-smenada 07:30 dan baslap (test sınaǵı 09:00 de), 2-smena 13:00 den baslap (test sınaǵı 14:30da) kirgiziledi.
Atap ótiliwinshe, test sınaǵınan keshikken yaki kelmegen talabanlar ushın qosımsha imtixan ótkerilmeydi.

Qaraqalpaqstan xabar agentligi