Turaq jay satıp alıwda xalıq qarjıların kepilleytuǵın – «escrow» sisteması jaratıladı.
Bul sistemaǵa bola, buyırtpashı hám kommerciyalıq bank arasında dúziletuǵın shártnamaǵa tiykarlanıp, hár bir qurılıs obyekti boyınsha «escrow» esapbeti ashıladı. Kóshpeli múlk ushın kelisilgen qarjılar usı esapbet arqalı ámelge asırıladı. Onda jıynalatuǵın qarjılar tiykarında kommerciyalıq bankler buyırtpasına azayǵan procentte kredit usınıs etedi.
Qurılıs pitken soń, tutınıwshınıń esapbetindegi aqsha developer shólkemge ótkeriledi. Qurıwshı minnetin orınlamaǵan jaǵdayda, bul aqshanıń iyesine qaytarıp beriledi. Escrow esapbetinde turǵan qarjılarǵa óndiriw qaratılmaydı.
Bul haqqında Oliy Majlis Nızamshılıq palatasınıń Isbilermenlik, básekini rawajlandırıw hám sanaat máseleleri komiteti tárepinen ótkerilgen esittiriwde aytıp ótildi. Onda Qurılıs hám turaq jay kommunal xojalıǵı hám basqa ministrlikler, uyımlardıń turaq jay satıp alıwda xalıq qarjıların kepilliklew sisteması boyınsha málimlemesi tıńlandı.
Atap ótilgenindey, Prezidentimiz turaq jay qurılısında xalıqtıń qarjıların kepilliklew sistemasına baylanıslı prezentaciya menen tanısıw dawamında bul tarawdaǵı ayırım mashqalalardı saplastırıwǵa qaratılǵan wazıypalardı belgilep bergen edi. Atap aytqanda, «escrow» sisteması tárepler arasındaǵı isenimdi támiyinlew, hár eki táreptiń máplerin qorǵaw hám qarjılay qatnasıqların qáwipsiz, anıq hám nátiyjeli ámelge asırıwdı támiyinlewge xızmet etedi.
Sóylesiwler dawamında bul baǵdarda xuqıqıy tiykar jaratıw zárúr ekenligi atap ótildi. Sonday- aq, qurılıs obyektleriniń ózine túser bahasın azaytıw, sanlastırıw, qurılıs hújjetleriniń kórip shıǵılıw múddetlerin qısqartıw baǵdarında ámelge asırlıp atırǵan jumıslardıń jaǵdayı dodalanıp, bul boyınsha bir qatar usınıslar berildi.
M.Komilova, ÓzA