Ózbekstan Respublikası Ádillik ministrligi tárepinen Mámleketlik uyımları hám shólkemleriniń ishki audit xızmeti xızmetkerleri jumısınıń nátiyjeliligin bahalaw táribi haqqındaǵı reje mámleketlik dizimnen ótkerildi.

Rejede ishki audit xızmeti shólkemlestirilgen ministrlikler menen uyımlar, Qaraqalpaqstan Respublikası Minristrler Keńesi, wálayatlar hám Tashkent qalası hákimlikleriniń ishki audit xızmetleriniń basshısı hám xızmetker jumısınıń nátiyjeliligin eń áhmiyetli kórsetkishler tiykarında bahalaw, olardı xoshametlew hám reytingin júrgiziw tártibi belgilendi.
Ishki audit xızmetleri xızmetkeri jumısınıń eń áhmiyetli nátiyjelilik kórsetkishleri etip byudjet haqqındaǵı nızamshılıqtıń buzılıwı jaǵdaylarınıń aldın alıw alıwdaǵı nátiyjeleri, aralıq qadaǵalawdı ámelge asırıwdaǵı nátiyjeleri, ishki audit jıllıq rejesinde xızmetker juwapker bolǵan ishki audit ilajlarınıń ótkeriliwi hám xızmetker tárepinen berilgen usınıslardıń ishki audit obyektleri tárepinen orınlanıwı belgilendi.
Xızmetker jumısınıń nátiyjeliliginiń kórsetkishlerin esaplaw nátiyjeleri hár sherek esabat dáwirinen keyingi aydıń 5-sánesine shekem belgilengen túrde bahalaw sistemasın engiziw hám islewin monitoringlaw boyınsha juwapker quramalı strukturaǵa kirgiziledi.
Mámleketlik uyımlar menen shólkemler tárepinen Еkonomika hám qarjı ministrligine xızmetker jumısınıń náimyjeliligi jıynalǵan kórsetkishleri hám onıń bahalanıwı boyınsha maǵlıwmatlar esabat shereginen keyingi aydıń 20-sánesine shekem usınıs etiledi.

N.Abduraimova, ÓzA