NASAnıń Quyashtıń sırtqı tajın úyreniw ushın jiberilgen kosmoslıq avtomat qurılması – «Parker» (Parker Solar Probe) zondı 24-dekabrde Quyash sırtınan 6,1 mln km alısta, oǵada joqarı 690 mıń km/saat tezlikte ushıp ótedi.
Usılayınsha zond óziniń tezlik rekordın jańalap, Quyashqa eń jaqın aralıqqa baradı.
Jerdegi ilimpazlar zondtıń jumısqa jaramlılıǵın tastıyıqlaytuǵın signallar áhmiyetli waqıya aldında hám onnan keyin – 21 hám 27-dekabrde jetip keliwin kútpekte.
Eger bárshesi rejedegidey ámelge assa, «Parker» zondı alǵan súwretler 2025-jıldıń kirip keliwi menen ilimpazlardıń qolında boladı, ilimiy áhmiyetke iye maǵlıwmatlar bolsa hápte ótip Jerge jetip keledi.

I. Uteuliev,
QMU, jurnalistika qánigeligi
3-b-kurs studenti
Qaraqalpaqstan xabar agentligi