Moynaq rayonındaǵı Mádeli awıl puqaralar jıyını aymaǵındaǵı “Porlıtaw” awılında Moynaq rayonı Medicina birlespesine qaraslı “Aq qala” shańaraqlıq poliklinikasınıń ashılıw máresimi bolıp ótti.
Poliklinikanıń ashılıw saltanatına Qaraqalpaqstan Respublikası Densawlıqtı saqlaw ministriniń birinshi orınbasarı A.Asqarov, rayon basshıları, medicina xızmetkerleri, nuranıylar, awıl turǵınları qatnastı.
Ilaj qatnasıwshıları poliklinikada jaratılǵan sharayatlar menen tanısıp, pikir alıstı.
Atap ótilgenindey elimizde xalıqtıń turmısın jaqsılaw, abadanlıǵın arttırıw, ásirese, alıs elatlı punktlerdegi infrastrukturanı jaqsılaw baǵdarında ámelge asırılıp atırǵan ilajlar óziniń unamlı nátiyjesin bermekte. Alıs awılda ashılǵan bul poliklinika onıń ayqın tastıyıǵı bolıp esaplanadı. Awıl turǵınlarınıń mútájin pitkerip, nawqaslanǵanlardıń rayon orayına barmay-aq, usı jerdegi maman shıpakerlerden másláhát alıwı ushın úlken múmkinshilik jaratıldı.
Zamanagóy ásbap-úskeneler menen támiyinlengen shańaraqlıq poliklinikanıń ashılıwı awıl turǵınların quwanıshqa bólemekte.

Qaraqalpaqstan xabar agentligi.