Ózbekstan Respublikası Prezidenti «Ózbekstan Respublikası Prezidentiniń ayırım hújjetlerine ózgerisler hám qosımshalar kirgiziw haqqında»ǵı pármanǵa qol qoydı.
Oǵan muwapıq, isbilermenlik subyektlerin qarjı-xojalıq jumısın ámelge asırmay atırǵan dep esaplaw ushın tiykar bolatuǵın múddetti qısqartıw hám olardı saplastırıw tártibin jáne de ápiwayılastırıw, tovarlardı import etiwde hám tovarlardı (xızmetlerdi) realizaciyalawda tólenetuǵın qosımsha qun salıǵınıń summaların óz-ara esapqa alıw tártibin qollanıwdı keńeytiw, sonday-aq, májbúriy sanlı markirovkalaw processlerin jedellestiriw maqsetinde Ózbekstan Respublikası Prezidentiniń ayırım hújjetlerine:
qarjı-xojalıq jumısın ámelge asırmay atırǵan isbilermenlik subyektlerin belgilew normaların jetilistiriw;
jańadan shólkemlestirilgen isbilermenlik subyektleriniń rawajlanıwın bahalaw kórsetkishlerin optimallastırıw;
«VVV» kategoriyadaǵı isbilermenlik subyektlerine tovarlardı import etiwde hám tovarlardı (xızmetlerdi) realizaciyalawda tólenetuǵın qosımsha qun salıǵı summaların óz-ara esapqa alıw tártibin qollanıw;
jergilikli pivo ónimlerin realizaciyalaw jumısın wákillikli uyımdı xabardar etiw tártibinde ámelge asırıwdı názerde tutıwshı ózgerisler hám qosımshalar kirgiziledi.
ÓzA