Búgin Oliy Majlis Nızamshılıq palatasınıń gezektegi májilisinde bir qatar nızam joybarları qızǵın dodalandı. Sonıń ishinde, dáslep sudlar jumısınıń nátiyjeliligin arttırıwǵa qaratılǵan nızam joybarı ekinshi oqıwda kórip shıǵıldı.
-Ámeldegi tártipke bola, Joqarı sud baslıqlarınıń orınbasarları – tiyisli sudlaw kollegiyaları basshılarınıń lawazımına anıq baǵdar (hákimshilik, puqaralıq, jınayat hám ekonomikalıq) boyınsha saylanıwı belgilengen, – dedi deputat Zulayho Akromova. – Joqarı sud sudyalarına bolsa anıq baǵdar boyınsha saylanıw tártibi engizilmegen. Bul bolsa sudyalardıń ózin-ózi basqarıw principin keńnen engiziwge tosqınlıq etip, Joqarı sud baslıǵınıń orınbasarların bir sudlaw baǵdarınan basqa bir sudlaw baǵdarına ótkeriw (rotaciyalaw) imkaniyatın bermeydi. Usı múnásibet penen nızam joybarında «Sudlar haqqında»ǵı Ózbekstan Respublikası Nızamınıń 19-statyasına Joqarı sud quramınıń sudlaw kollegiyalarınıń baslıqları menen baylanıslı ózgerisler kirgiziw názerde tutılmaqta.
Májiliste atap ótilgenindey, nızam joybarınıń qabıl etiliwi sudlar jumısınıń nátiyjeliligin joqarılatıw, ádil sudlawdıń sapasın arttırıw, basshı kadrlardı múnásip sudlaw baǵdarına ótkeriw (rotaciyalaw) imkaniyatın jaratıw, sonday-aq, mámlekettiń xalıqaralıq reytinglerdegi abırayın kóteriwge xızmet etedi.

M.Komilova, ÓzA