Házirgi kúnde kóplegen puqaralarımız óz maqset hám rejeleri jolında banklerden kredit alıp, paydalanbaqta. Biraq keyingi waqıtlarda aldawshılıq jolı menen puqaralardıń xabarısız kredit qarjıların olardıń atına rásmiylestiriw hám bul kredit qarjıların ózlestiriw jaǵdayları artıp barmaqta.
Bunday jaǵdaylar, óz gezeginde, puqaralar tárepinen erkin túrde kredit alıwdan waz keshiw mexanizmin engiziwdi talap etpekte. Usı maqsette islep shıǵılǵan kredit tarawındaǵı qatnasıqlardı jáne de jetilistiriwge qaratılǵan nızam joybarı Nızamshılıq palatasınıń búgingi májilisinde birinshi oqıwda kórip shıǵıldı.
Bul joybar boyınsha Oraylıq bank baslıǵınıń orınbasarı Abrorxwja Turdaliev maǵlıwmat berdi.
Atap ótilgenindey, nızam joybarı menen fizikalıq tárep óziniń qatnasıwısız yamasa xabarısız kredit kelisimin rámiylestiriw menen baylanıslı aldawshılıqlardıń aldın alıw maqsetinde kredit byurosına arza kirgiziw arqalı onıń menen kredit kelisimin dúziwdi qadaǵan etiwi múmkin boladı.
Bul joybardıń qabıl etiliwi aldawshılıq jolı menen puqaralardıń xabarısız kreditlerdi olardıń atına rásmiylestiriw hám bul kreditlerdi ózlestiriw jaǵdaylarınıń aldın alıwǵa, sonday-aq, kredit byurolarınıń jumısın tártipke salıwdı jetilistiriwge xızmet etedi.
Muhtarama Komilova,
ÓzA