Oliy Majlis Nızamshılıq palatasınıń gezektegi májilisinde jollarda háreketleniw qáwipsizligin támiyinlewge qaratılǵan nızam joybarı birinshi oqıwda kórip shıǵıldı.
Bul nızam joybarı menen transport quralların trotuarlardan, velosiped jollarınan, jasıl aymaq maydanlarınan júrgiziwdiń aldın alıwǵa qaratılǵan normalar belgilenbekte.
Sonday-aq, xalıq tárepinen nızamsız túrde joldıń qatnaw bólegine tosqınlıqlar ornatıw yamasa jollardı tosıp qoyıw, transport quralları hám puqaralardıń háreketine tosqınlıq etiw jaǵdaylarına shek qoyıw ushın juwapkershilik ilajları názerde tutılmaqta.
Nızam joybarınıń qabıl etiliwi jollarda háreket qatnasıwshılarınıń qáwipsizligin támiyinlew, olardıń erkin háreketleniwine sharayat jaratıwǵa xızmet etedi.
Májiliste nızam joybarı deputatlar tárepinen birinshi oqıwda qabıl etildi.

Qaraqalpaqstan xabar agentligi