Prezident Bostanlıq rayonında shólkemlestirilip atırǵan jańa turizm orayında boldı.
Bul jerde zárúr infrastruktura jaratılıp, kapsula túrindegi jaylardan ibarat zamanagóy dem alıw ornı qurılmaqta. Sonday-aq, bul jerde restoranlar, dar jolları hám shańǵı ushıw maydanları boladı.
Aynalı kapsula jaylardıń ózine tán tárepi, olar jeńil, kóshpeli, kem qárejetli. Úlken qurılıs islenbeytuǵınlıǵı sebepli tábiyatqa da zıyan jetkermeydi.
Mámleketimiz basshısı bunday jaylardı Baxmal, Shahrisabz, Baysın sıyaqlı basqa turizm orınlarında da ornatıw turistlerdiń itibarın tartatuǵının atap ótti.
ÓzA