ÓzLiDeP Qaraqalpaqstan Respublikası Keńesi tárepinen Ózbekstan Respublikası Konstituciyası qabıl etilgenliginiń 32 jıllıǵı múnásibeti menen Nókis qalasındaǵı 2-sanlı qánigelestirilgen mektep-internatta dógerek sáwbeti shólkemlestirildi.
Qaraqalpaqstan Respublikası Joqarǵı Keńesiniń komitet baslıǵı Sh.Ótemisov hám basqalar qatnasıwshılardı bayram menen qızǵın qutlıqlap, jaqsı tileklerin bildirdi.
Ilajda sońǵı jıllarda ekonomikalıq, sociallıq, mádeniy hám basqa da tarawlarda ámelge asırılıp atırǵan keń kólemli reformalar, erisilip atırǵan nátiyjelerdi bekkemlewde Jańa redakciyadaǵı Konstituciyanıń ornı hám roli haqqında maǵlıwmatlar berildi.
«Konstituciya – erkin hám abadan turmıs girewi!” degen turmıslıq súrenniń mánisi hám áhmiyeti, Jańa redakciyadaǵı Konstituciya tiykarında insan huqıqları menen erkinliklerin qorǵawda ulıwma jańa basqıshqa ótilgeni atap ótildi.
Konstituciyaǵa kirgizilgen konceptuallıq ózgerislerdiń puqaralarımızdıń abadanlıǵın támiyinlewdegi áhmiyeti arttı. Máselen, xalıqtıń kepillikli biypul medicinalıq xızmetlerden paydalanıwı, xalıqtıń salamatlıǵın saqlaw menen baylanıslı normalar 4 esege kóbeydi. Bul nárse xalıqtıń densawlıǵın isenimli qorǵawda, ana hám balalar ólimi, juqpalı keselliklerdi saplastırıwda júdá zárúrli áhmiyetke iye bolıp esaplanadı.
Ushırasıw dawamında jaslardıń Konstituciyaǵa tiyisli bilimleri de sınaqtan ótkerildi hám eń belsene qatnasqan jaslarǵa estelik sawǵaları tapsırıldı.
Qaraqalpaqstan xabar agentligi