Oliy Majlis Nızamshılıq palatası hám jergilikli Keńeslerdiń deputatların saylawǵa tayarlıq kóriw hám onı ótkeriwge baylanıslı ilajlar basqıshpa-basqısh ámelge asırılıp kelinbekte. Bul áhmiyetli siyasiy process haqqında saylawshılardıń xabardarlıǵın arttırıw hám olardı qızıqtırǵan sorawlarına tolıq juwap alıwın shólkemlestiriw áhmiyetli bolıp esaplanadı.
Sonıń ushın saylaw kampaniyası dáwirinde fizikalıq hám yuridikalıq táreplerdiń múrájatleriniń nátiyjeli kórip shıǵılıwın, sonday-aq, puqaralarǵa saylawǵa baylanıslı máseleler boyınsha operativ hám qolaylı túrde huqıqıy túsinik hám másláhátler beriliwin shólkemlestiriw maqsetinde Oraylıq saylaw komissiyası janında «Call-center» iske qosıldı.
Saylawshılar «Call-center» arqalı saylaw processlerine baylanıslı ózlerin qızıqtırǵan barlıq sorawlarǵa juwap alıwı hám múrájatlerin jollawı múmkin. Onıń ushın «Call-center»diń 1200 qısqa nomerine biypul túrde qońıraw etiw jeterli. «Call-center»ge maman qánigeler, huqıqtanıwshılar tartılǵan bolıp, olar turaqlı túrde saylawshılarǵa juwap berip baradı.

M.Komilova, ÓzA