Iordaniyanıń «Búgingi xabarlar» hám «Jetinshi kún» basılımlarında Amman Sawda-sanaat palatasınıń baslıǵı Xalil Haj Tavfiq Ózbekstan menen birge islesiwdiń jańa baǵdarların úyreniw, óz-ara sawda kólemin arttırıw máselelerine baylanıslı pikirlerin bildirgen.
Maqalada bul arab mámleketiniń elimizdegi elshisi Dimay Haddod vice-prezidentler Nabil Al-Xatib hám Bahjot Hamdan hám xatker orınbasarı Falah Al-Saǵir qatnasıwında bolıp ótken virtual ushırasıw haqqında maǵlıwmat berilgen. Sóylesiw waqtında Haj Tavfiq elshixana tárepinen Ózbekstan bazarı, eksport etiletuǵın tovar hám xızmetler boyınsha hár tárepleme maǵlıwmat berilgenin atap ótti.
Palatanıń tarqatqan bildiriwinde mámleketimiz rásmiy delegaciyasınıń Amman Sawda-sanaat palatasına saparınıń juwmaǵı tallanǵan. Atap aytqanda, sawda almasıw kólemin bahalaw, tosqınlıqlardı azaytıw, jeke menshik sektor dárejesinde birge islesiwdiń jańa basqıshınıń ózgesheliklerin bahalaw máseleleri kóterilgeni atap ótilgen.
Iordaniyanıń Tashkenttegi elshixanası ózbekstanlı kásiplesleri menen «sawda, xızmet kórsetiw, málimleme texnologiyaları, turizm, transport, azıq-awqat hám basqa tarawlardıń wákilleri qatnasıwında qánigelestirilgen virtual ushırasıwlar ótkeriwge kelisip alǵan. Bul sóylesiwler mámleketimiz bazarına shıǵıwı múmkin bolǵan eń áhmiyetli tovar hám xızmetler, sonday-aq, Ózbekstandı tartıw imkaniyatların anıqlaw maqsetin gózleydi. Iordaniya rásmiy sawda delegaciyasınıń respublikamızǵa saparı máselesi de dodalandı.
Óz gezeginde, elshi Haddod Iordaniya barlıq mámleketler menen jaqsı qatnas ornatıw tileginde ekeni, bul processte Ózbekstan ayrıqsha orın iyeleytuǵını hám Iordaniya jeke menshik sektordıń eki mámleket arasındaǵı birge islesiwdi keńeytiw boyınsha háreketin joqarı qádirleytuǵının atap ótti.
Ózbekstan ekonomikasında awıl xojalıǵı, toqımashılıq, kiyim-kenshek hám paxta, sonday-aq, keptirilgen miywe, barlıq túrdegi azıq-awqat, farmacevtika sanaatı menen baylanıslılıǵına toqtap ótti.
Tovar almasıw kólemin arttırıw jolında ayırım tosqınlıqlar bar ekenligi, máselen eki mámleket arasında tikkeley hawa qatnawınıń joqlıǵı aytıldı. Eń áhmiyetlisi, bul mashqalalardı sheshiw múmkin ekenligi maqullandı.
Muharrama Pirmatova, ÓzA