Mámleketimizde farmacevtika tarawında investiciyalıq joybarlardı ámelge asırıw, óndiristi lokalizaciyalaw dárejesin keńeytiw, dári qurallarınıń eksportın rawajlandırıw boyınsha xalıqaralıq birge islesiw keńeymekte.

Farmacevtika tarmaǵın rawajlandırıw agentliginiń direktorı Abdulla Azizov hám Qıtaydıń iri qurılıs kompaniyaları – “China State Construction Engineering Corporation” hám “Cangzhou-Four Stars-Glass”  kárxanasınıń wákilleri qatnasıwında onlayn sóylesiw bolıp ótti.

Onda farmacevtika tarmaǵı infrastrukturasın rawajlandırıw, jańa óndiris quwatlıqların shólkemlestiriw hám aldınǵı texnologiyalardı engiziw imkaniyatları boyınsha pikir alısıldı, delinedi Farmacevtika tarmaǵın rawajlandırıw agentliginiń maǵlıwmatında.

Bunday birge islesiw mámlekette farmacevtika sanaatın modernizaciyalaw hám zamanagóy óndiristi jolǵa qoyıwǵa xızmet etetuǵını atap ótildi.

Ushırasıw juwmaǵında tárepler bul baǵdarlarda birge islesiwdi dawam ettiriw, birgeliktegi investiciyalıq joybarlardı ámelge asırıw hám óz-ara paydalı kelisimlerdi rawajlandırıwǵa tayar ekenin bildirdi.

ÓzA