Búgingi kúnde mámleketimizde qábiletli jaslardı birlestiriw, olardıń innovaciyalıq ideya hám baslamaların qollap-quwatlawǵa qaratılǵan jańa imkaniyatlar jaratılmaqta.
Mámleketimizdiń eń qábiletli jasları, intellektuallıq potencialǵa iye jetekshilerdi bir mákanda jámlestiriw maqsetinde Prezident qábiletli jaslardı qollap-quwatlaw jámiyetiniń rásmiy platforması iske qosıldı.
“oavlod.uz” dep atalǵan platforma arqalı jaslardıń innovaciyalıq ideyaların, ilimiy qollanbaların hám startap joybarların keń jámiyetshilikke tanıstırıw, óz-ara pikir hám tájiriybe almasıw ushın qolaylı imkaniyatlar jaratadı.
Sonday-aq, ol jaslardıń xalıqaralıq maydanda básekige shıdamlı bilim hám kónlikpelerdi rawajlandırıwǵa xızmet etetuǵın áhmiyetli maydan bolıwı názerde tutılǵan, delinedi Qánigelestirilgen bilimlendiriw agentliginiń maǵlıwmatında.
Bul platforma Prezident mektepleri, Al-Beruniy atındaǵı xalıqaralıq mektep-internatı, “Jańa Ózbekstan” universitetiniń pitkeriwshileri, “Prezident talantlı perzentleri” milliy baǵdarlamasınıń qatnasıwshıları hám “El-yurt umidi” qorınıń stipendiatların birden-bir jámiyetshilikke birlestiredi.
Sonday-aq, ol arqalı mámleketimiz jasları óziniń ilimiy jetiskenlikleri, startap joybarları hám jetekshilik potencialın keń jámiyetshilikke kórsetiw, sırt el universitetleri hám qánigeler menen bilim hám tájiriybe almasadı.
Marhabo HOJIAKBAROVA,
ÓzAnıń xabarshısı