Prezident Shavkat Mirziyoevtiń basshılıǵında videoselektor májilisi dawam etpekte.
Sırt elden alıp kelinip atırǵan dári-dármaqlardıń yarımı 34 sırt el islep shıǵarıwshısına tuwra keledi.
Sırt el kompaniyalarınıń ózimizde óndirisin shólkemlestiriwdi xoshametlew zárúr ekenligi atap ótildi. Máselen, Túrkiyanıń “World medicine” kompaniyası Tashkent farmacevtika parkinde antibiotik, virusqa qarsı hám júrek-qan tamır preparatların islep shıǵarıw boyınsha 30 million dollarlıq joybardı ámelge asırmaqta.
Búgingi kúnde import etilip atırǵan dári-dármaqlardıń yarımın 3 iri kárxana alıp kelmekte. Bul kárxanalar 40 tan aslam iri sırt el kompaniyalarınıń ónimin Ózbekstanǵa import etiw boyınsha eksklyuziv huqıqqa iye.
Prezidentimiz bul kárxanalardı ózine sociallıq juwapkershilik alıp, brendli dárilerdi sırt elli birge islesiwshilerdi tartqan halda ózimizde islep shıǵarıwdı jolǵa qoyıw boyınsha hámmege úlgi bolıwǵa shaqırdı.
Onı xoshametlew ushın brendlerdi alıp kiriwde birge islesiwshilerge tólenip atırǵan brend atınan paydalanǵanı ushın tólem – royaltidan salıq 20 procentten 5 procentke túsiriledi.

ÓzA