Elimizde erte nekelerdiń aldın alıw, neke dúziw tártibin buzıwǵa baylanıslı huqıqbuzarlıqlardı saplastırıw baǵdarında keń kólemli jumıslar ámelge asırılmaqta.
Prezidentimizdiń kúni keshe qabıl etilgen “Hayal-qızlar hám balalar huqıqlarınıń qorǵalıwın kúsheytiw jáne olarǵa basım hám zorlıq jaǵdaylarınıń aldın alıw boyınsha qosımsha shólkemlestiriwshilik-huqıqıy ilajlar haqqında”ǵı pármanına bola, erjetpegen shaxslar menen neke dúziwge shaqırǵanlıq (qızıqtırǵanlıq) hám onı úgit-násiyatlaǵanlıq ushın hákimshilik juwapkershilik belgilenedi.
Sonday-aq, 2026-jıl 1-sentyabrden baslap neke jası haqqındaǵı nızamshılıq yamasa neke dúziw tártibin buzıwǵa baylanıslı huqıqbuzarlıqlar ushın óndirilgen járiyma summasınıń 15 procentin bunday jaǵday haqqında xabar bergen shaxslardı xoshametlewge qaratıw tártibi engiziledi.
Maǵlıwmat ornında atap ótiw kerek, Milliy statistika komitetiniń maǵlıwmatlarına bola, 2025-jılı Ózbekstanda jámi 267 mıń 131 neke dizimge alınǵan. Dizimge alınǵan nekelerde hayallardıń jas toparları tallanǵanda, 20 jasqa shekemgi hayallar 105 mıń 454 ti yamasa 39,5 ti quraǵan.

ÓzA