Buxarest qalasında “Balalarǵa bolǵan zorlıqtı saplastırıw” atamasında Regionallıq ministrler konferenciyası bolıp ótken edi. Onda Evropa hám Oraylıq Aziya mámleketleriniń wákilleri, xalıqaralıq shólkemler, ekspertler hám puqaralıq jámiyeti institutları qatnasqan.
Konferenciya juwmaqları boyınsha “Evropa hám Oraylıq Aziyada balalarǵa bolǵan zorlıqtı saplastırıw” boyınsha Regionallıq ministrler konferenciyasınıń rásmiy esabatı járiyalandı. Onda Ózbekstandaǵı balalardı qorǵaw baǵdarındaǵı reformalar ayrıqsha atap ótildi.
Atap aytqanda, mámleketimiz tárepinen Balalardı qorǵaw haqqındaǵı nızamdı ámelge asırıw, uyımlararalıq muwapıqlastırıwdı kúsheytiw, kóp funkciyalı balalardı qorǵaw orayların sınaqtan ótkeriw, isenim telefonları xızmetin keńeytiw hám unamlı ata-analıq baǵdarlamaların rawajlandırıw boyınsha minnetlemeler alǵanı atap ótildi.
Bul baslamalar balalardıń qáwipsizligin támiyinlew, zorlıqtıń aldın alıw hám járdem xızmetleriniń qamtıp alıwın keńeytiwge qaratılǵan kompleksli qatnastıń bir bólegi sıpatında bahalandı.
Bul tán alıw Ózbekstanda balalardı qorǵaw tarawında alıp barılıp atırǵan sistemalı reformalardıń xalıqaralıq dárejede tán alınıp atırǵanın jáne bir márte tastıyıqlaydı.

N.Abduraimova, ÓzA