Qońırat rayonında rayon hákimliginiń juwapkerleri, mákeme hám shólkemlerdiń xızmetkerleri, jaslar hám keń jámiyetshilik wákilleriniń qatnasıwında «Salamat turmıs ushın 5000 qádem» marafonı shólkemlestirildi.
Álbette, bunday ilajlar xalıqtıń salamatlıǵın bekkemlew, sporttı ǵalaba en jaydırıw hám salamat turmıs tárizin keńnen úgit-násiyatlawǵa xızmet etedi. Qatnasıwshılar belgilengen jónelis boylap júrip, salamat turmıs tárizin qollap-quwatladı.
Maǵlıwmat ushın atap ótetuǵın bolsaq, «Salamat turmıs ushın 5000 qádem» – xalıq, ásirese jaslar arasında salamat turmıs tárizin úgit-násiyatlaw, fizikalıq belsendilikti arttırıw hám piyada júriwdi ǵalaba en jaydırıw maqsetinde ótkeriletuǵın ǵalabalıq piyada júriw marafonı bolıp esaplanadı.
Maqset – xalıqtı ǵalabalıq sportqa tartıw, keselliklerdiń aldın alıw hám salamat turmıs tárizin úgit-násiyatlawdan ibarat.

Qaraqalpaqstan xabar agentligi