Qırǵız Respublikası Konstituciyalıq sudı Sadir Japarovtıń ótinishine bola, Konstituciyanıń prezidentlik wákillik múddetine baylanıslı statyalarına rásmiy túsinik berdi, dep xabar bermekte “Kazinform” málimleme agentligi.

Atap ótiliwinshe, bir márte baslanǵan prezidentlik múddeti dáslep belgilengen altı jıllıq múddet ishinde juwmaqlanıwı kerek. Bunnan tısqarı, ámeldegi prezidenttiń altı jıllıq múddeti eki múddetli basqarıwǵa bola birinshi múddet esaplanadı. Múddetinen aldın prezident saylawın ótkeriw mámleket basshısınıń óz arzasına bola otstavkaǵa shıǵıwı, belgilengen tártipte lawazımınan shetletilwi, kesellik yamasa qaytıs bolıw sebepli óz wákilliklerin ámelge asıra almawı sebepli ámelge asırıladı.

Atap ótiliwinshe, múddetinen aldın prezidentlik saylawlarınıń “scenariy”i huqıqıy jaqtan biykar etilgen.

Qırǵız Respublikasında gezektegi prezidentlik saylawları 2027-jıl 24-yanvarda bolıp ótedi, delinedi sud qararında.

G.Sattorova, ÓzA