Bas prokurordıń tiyisli buyrıǵı menen ekonomikalıq hám hákimshilik sudlarda islerdi kóriwde prokurordıń qatnasıw nátiyjeliligin bunnan bılay da arttırıwǵa baylanıslı jańasha tártip belgilendi.
Qaraqalpaqstan Respublikası, wálayatlar, Tashkent qalası, Ózbekstan Áskeriy hám Transport prokurorlarına áhmiyetli wazıypalar júklendi.
Endi Qaraqalpaqstan Respublikası, wálayatlar orayları hám Tashkent qalasındaǵı rayonlararalıq ekonomikalıq hám hákimshilik sudlarda islerdi kóriwde prokurordıń qatnasıwı Qaraqalpaqstan Respublikası, wálayatlar, Tashkent qalası prokuraturalarınıń uyımları tárepinen támiyinlenedi.
Bas prokuratura tárepinen ekonomikalıq hám hákimshilik sud islerin júrgiziwde prokuror wákilligin támiyinlew jumısın durıs shólkemlestiriw, sonday-aq, nızamda prokuror qatnasıwı belgilengen isler boyınsha ámeliyattaǵı mashqalalar jáne bul islerdi nızamlı sheshiwde itibar qaratıw zárúr bolǵan jaǵdaylar keńirek túsindirilmekte.
Usı maqsette tarawǵa biriktirilgen barlıq juwapker xızmetkerlerdiń qatnasıwında “Ekonomikalıq hám hákimshilik sudlarda prokuror qatnasıwınıń nátiyjeliligin bunnan bılay da arttırıwǵa qaratılǵan jańasha tártip” temasına baǵıshlanǵan onlayn seminar ótkerildi.
Ilajda aymaqlıq prokuraturalardıń tarawda ámelge asırılǵan jumısları hám jumısında jol qoyılǵan kemshilikler tereń tallawlar tiykarında sın kózqarastan dodalandı.

N.Abduraimova, ÓzA