“Ózbekneftgaz” AJ basshıları “Abu Dhabi Commercial Bank” (ADCB) wákilleri menen ushırasıw ótkerdi. Bul haqqında jámiyettiń málimleme xızmeti xabar berdi.
Sóylesiw dawamında kompaniyada alıp barılıp atırǵan transformaciya processleri, finanslıq turaqlılıqtı bekkemlewge qaratılǵan ilajlar, sonday-aq, jańa investiciyalıq joybarlardıń ámelge asırılıwı hám ámeldegi birge islesiw nátiyjeleri boyınsha pikir alısıldı.
Ushırasıwda bank wákilleri 2026-jılı jámiyet jumısın qarjılandırıw kólemin jáne de keńeytiwge tayar ekenligin atap ótti.
Atap ótilgenindey, tárepler arasındaǵı birge islesiw búgingi kúnde klub krediti, sindikatlastırılǵan kreditlerdi tartıw hám evroobligaciyalar shıǵarıw sıyaqlı finanslıq mexanizmler tiykarında izbe-iz rawajlanıp barmaqta.
Sóylesiwlerdiń juwmaǵında tárepler óz-ara sheriklikti bunnan bılay da tereńlestiriw hám jańa baǵdarlar boyınsha birge islesiwdi keńeytiwden mápdar ekenin bildirdi.

N.Ziyodullaeva, ÓzA