Ózbekstan Respublikası Prezidenti Shavkat Mirziyoev Amerika Qurama Shtatları Prezidenti Donald Tramptıń mirát etiwine bola 17-19-fevral kúnleri Tınıshlıq keńesiniń dáslepki májilisinde qatnasıw ushın ámeliy sapar menen usı mámleketke jónep ketti.
Keńestiń birinshi sammiti AQSh Tınıshlıq institutında bolıp ótedi hám Gaza sektorın tiklew, oǵan gumanitarlıq járdem kórsetiw, bul regionda tınıshlıq hám turaqlılıqtı támiyinlew máselelerine baǵıshlanadı.
Ózbekstan jetekshisi sapar etiwdiń isbilermenlik baǵdarlaması sheńberinde Amerikanıń jetekshi kompaniyaları hám finans institutlarınıń basshıları qatnasıwındaǵı strategiyalıq joybarlardı tanıstırıw hám ekonomikalıq tarawǵa baylanıslı eki tárepleme hújjetlerge qol qoyıw máresiminde qatnasıwı da názerde tutılǵan.
Esletip ótemiz, Tınıshlıq keńesi AQSh Prezidenti Donald Tramptıń baslaması menen shólkemlestirilgen. Ózbekstan usı jıldıń yanvar ayında Shveycariyanıń Davos qalasında oǵan shólkemlestiriwshi mámleket sıpatında qosıldı.

WzA