Oraylıq banktiń maǵlıwmatlarına bola, 2025-jılı aylanıstaǵı 200 000 sumlıq banknotlardıń úlesi 23,4 procentten 28,5 procentke artqan, 100 000 sumlıq banknotlardıń úlesi bolsa 40,9 procentten 36,4 procentke azayǵan. Bul ózgeris tiykarınan eski úlgidegi banknotlardı aylanıstan shıǵarıw hám jańaların engiziw nátiyjesi bolıp esaplanadı.
Banknotlardıń ulıwma sanı da ósken bolıp, 2025-jılı ol 262 mln. danaǵa kóbeyip, derlik 2 mlrd. 446 mln. danaǵa jetken.
Aylanıstaǵı naq pullar quramında nominal boyınsha qatnaslar 2025-jıldıń aqırına kelip tómendegishe qáliplesken. Kishi nominaldaǵı banknotlar hám teńgeler 1,1 procentti, orta nominaldaǵı banknotlar 15,8 procentti, iri nominaldaǵı banknotlar 83,1 procentti quramaqta.
Sonday-aq, eski úlgidegi banknotlar basqıshpa-basqısh qaytarıp alınıp, olar jańaları menen almastırıldı. 5 000 sumlıq banknotlar 25 procentten 7 procentke azaydı. 10 000 sumlıq banknotlar 24 procentten 5 procentke, 50 000 sumlıq banknotlar – 25 procentten 4 procentke, 100 000 sumlıq banknotlar 18 procentten 3 procentke azaydı.
Bul ilajlar aylanıstaǵı banknotlardıń sapasın arttırıw, eski hám ıssıdan tásirlengen banknotlardı basqıshpa-basqısh shıǵarıp, olardı jańa hám turaqlı banknotlar menen almastırıw maqsetinde ámelge asırıldı.

Sh.Mamaturopova,
ÓzA