Prezident Shavkat Mirziyoevtiń basshılıǵında tarmaq hám aymaqlarda joqarı ekonomikalıq ósiw pátlerin támiyinlew boyınsha tiykarǵı wazıypalardı dodalawǵa baǵıshlanǵan májilis bolıp ótpekte.
Ótken jılı Milliy investiciya qorı shólkemlestirilip, dúnyadaǵı abıraylı «Franklin Templeton» kompaniyasınıń basqarıwına berildi.
Bul kompaniya bir jıl dawamında strategiyalıq kárxanalardıń jumısın talladı. Ekspertler “kárxana basshılarında korporativ mádeniyat jetispeydi, qárejetti qısqartıw, paydanı arttırıw boyınsha rezerv kóp”, dep atır.
Bunıń ushın 19 strategiyalıq kárxananıń basshısı satıp alıw sisteması, logistika, sanlastırıw, energiya nátiyjeliligi boyınsha qattı islewi, ózine túser bahanı 10-20 procentke qısqartıwı kerek ekenligi kórsetip ótildi.
– Únemlew rejesi óndiristi qısqartıw yamasa qanday da bir qárejetti keshiktiriw esabınan emes, al bir birlik ónimniń ózine túser bahasın qısqartıw arqalı támiyinleniwi shárt, – dedi Prezidentimiz.
Strategiyalıq kárxanalardı “Birden-bir ǵaznashılıq” málimleme sisteması menen qamtıp alıw, barlıq satıp alıwlardı risk-tallaw tiykarında “qızıl,” “sarı” hám “jasıl” kategoriyalarǵa ajıratıp, nátiyjesiz qárejetlerge pútkilley shek qoyıw áhmiyetli ekenligi atap ótildi.

ÓzA